香港撒瑪利亞防止自殺會
(由撒瑪利亞防止自殺會跳轉過嚟)
香港撒瑪利亞防止自殺會（英文：The Samaritan Befrienders Hong Kong）於1960年7月成立，原名「防止自殺會」（Suicide Prevention Society）；機構後期於1963年10月喺香港社團註冊處正式註冊為「香港撒瑪利亞會」（The Hong Kong Samaritans），之後喺1976年改名為「香港撒瑪利亞防止自殺會」（The Samaritan Befrienders Hong Kong）。呢個會並冇任何宗教立場，藉住《聖經》中好撒瑪利亞人友善博愛、助人為樂嘅精神作為榜樣，對絕望同瀕臨困境人士伸出同情之手，並予以扶持同適當嘅情緒輔導，達成助人自助嘅目標。
使命
編輯基於人道立場，協助面臨各種困難、陷於孤獨同沮喪嘅人士，鼓勵佢哋重建求生信念。透過演講、講座、刊物、調查報告等方式，宣傳同推廣本會嘅服務精神。協助東南亞同香港鄰近地區，建立同本會性質同目標相同嘅組織。
服務重點
編輯- 發揚人類善美嘅本質，以愛心、耐性、同情，建立人際間互助、互勉、互愛嘅精神。
- 讓絕望、無助、有自殺意圖嘅人士，喺有需要嘅時候可以搵到聆聽者，訴說內心嘅痛苦同困擾。
- 讓求助者感到被接納同支持，從而克服情緒困擾、面對問題。
- 尊重求助者嘅自決權，就算佢哋決定要自殺，佢哋亦可以隨時終止同機構嘅聯絡。
- 尊重求助者嘅私隱權，喺未經求助者同意之前，絕對不會向會外人士洩露其個人資料，但係為咗提供有效嘅服務，主席同督導人員有權知道求助者嘅談話內容。若果求助者唔接受，機構亦唔會提供服務。
睇埋
編輯- 撒瑪利亞會：英國類似性質嘅機構，但兩者冇任何從屬關係
