擠提

擠提（bank run）係指好多人突然走去銀行提款。

1932年4月26月發生喺紐約城嘅美國聯合銀行擠提

2008年9月24日，香港嘅東亞銀行其中一間分行出現擠提情況

原理

銀行接受客戶存款嘅時候，實際上係銀行向客戶借錢，屬於債務嘅一種。

而銀行接受存款之後，唔會單純咁將客戶嘅錢放喺個夾萬到保管，而係會將呢啲錢放出去做貸款、或者投資，以賺取當中嘅利息。所以銀行入面擁有嘅即刻攞得出嚟嘅錢並唔等於接受咗嘅存款總額。

因此，當大量存款客戶喺短時間內要求提款嘅時候，銀行未必夠錢支付呢啲提款金額。

呢個時候銀行等於無力償還債務，即係破產，呢種單純由存款引發嘅破產事件就係擠提。