破產舊時又叫報窮，係由英文bankrupt音義俱譯嘅名稱，舊時香港成日用，依家大馬重有用緊。
- 經法庭程序，需要受到破產令管制，有破產紀錄。
- 獲准破產之後可以暫時停止還債，除咗生活費之外，收入要交由破產管理官處理，用嚟還債。
- 唔可以保留物業。
- 只可以開一個儲蓄戶口用嚟出糧。
- 借錢超過100蚊，需要披露破產身份。
- 出境前要通知破產受託人，唔可以申請信用卡、私人貸款，唔可以繼續供保險，唔可以亂使錢（例如：自費出國旅遊、搭的士等）。
- 部分破產人會被吊銷執照或唔能夠留任本身嘅職位，例如保險經紀、地產代理、證券經紀、警員等。
- 破產期內唔可以出任專業人士，例如會計師、律師、公司董事、太平紳士等。
- 破產期為4年，有可能會延長到8年，視乎破產期間紀律。
