政治諷刺

政治諷刺（英文：Political Satire）係一種專門喺政治議題入面苦中作樂嘅藝術表現手法。政治諷刺一般會用幽默、諷刺、誇張同埋嘲笑嘅手段嚟揭露政客嘅愚蠢行為同埋批評佢哋嘅惡習，尤其係一啲受到當代政治影響嘅熱門話題，目的係苦中作樂，從一般人控制唔到嘅政治問題裡面攞到樂趣。

喺眾多政治諷刺作品入面，政治諷刺漫畫特別鍾意攞當代政治熱門話題嚟搞笑，同埋表達箇中嘅無奈。而政治諷刺電影係通過喺政治話題裏面攞到娛樂成份嘅電影藝術。政治諷刺電影嘅表達手法通常係幽默、諷刺、誇張同埋嘲笑，目的係揭露同埋批評政客嘅愚蠢行為同埋惡習，特別係受到當代政治影響嘅熱門話題。

政治諷刺同政治抗議唔同，因為政治諷刺唔一為咗影響政治走向，好多情況下作者亦未必想咁做。喺本質嘅角度睇，政治諷刺本身好少可以俾到有建設性嘅政策同埋觀點。喺作者同埋讀者嘅角度，政治諷刺只係一種借政治嚟發揮嘅諷刺作品，主要係發洩不滿，揭露政治問題，而唔係提供政策同政治解決方案。