故事的角色
《故事的角色》（粵拼：gu3 si6 dik1 gok3 sik1）係臺灣歌手王傑嘅第一張粵語專輯，呢張專輯喺1989年2月28號開始由香港華納唱片發行。成隻碟共收咗11首歌曲，由音樂人郭小霖、李壽全監製；之後王傑亦都憑住收錄喺無綫劇集《義不容情》嘅主題曲《一生何求》同插曲《幾分傷心幾分痴》響香港紅咗；而且呢張唱片仲賣出咗二十幾萬張[1]。
| 故事的角色 | ||||
|---|---|---|---|---|
| 王傑嘅錄音室專輯 | ||||
| 發行日期 | 1989年2月28號 | |||
| 錄製時間 | 1988年7月−11月 | |||
| 類型 | 粵語流行曲 | |||
| 時長 | 47:26 | |||
| 唱片公司 | ||||
| 監製 | ||||
| 王傑專輯年表 | ||||
| ||||
呢張專輯入面有好多經典歌曲均打進當地音樂排行榜，譬如《一無所有》、《酒醉酒醒》、《可能》、《故事的角色》，而且《可能》同《幾分傷心幾分癡》均入圍該年《勁歌金曲》季選[2]。
背景同發行
編輯1988年，王傑喺臺灣、星加坡同埋馬來西亞[3]嘅唱片銷售均獲得巨大成功後，飛碟唱片計劃將王傑嘅市場擴展到香港。喺香港，當時飛碟唱片嘅母公司華納唱片曾召開多次股東會，強調會簽下王傑，仲幫手為王傑製作佢嘅第一張粵語專輯[4]。經過多番考慮之後，華納高層黃柏高同何哲圖決定響年中將《忘了你忘了我》推出後即刻安排佢錄低呢張唱片，而且同上張國語碟《是否我真的一無所有》合併作單一項目。呢張專輯喺臺灣製作，之後香港無綫電視節目《歡樂今宵》亦安排採訪；同年10月先將《可能》（《安妮》粵語版）派台，兩個月之後繼續派台同林憶蓮合唱嘅《還有》，跟住落嚟就係同名歌曲。由於呢張專輯未出版之前嘅兩首單曲《可能》、《故事的角色》便已同時打進香港電台中文歌曲龍虎榜冠、亞軍[5]，專輯出版之後仲連續24週保持住全港中文唱片銷量榜十大之內（其中有16週高踞銷量榜三甲之內），加上TVB重頭劇《義不容情》播映也推高銷量，首推後2週便大賣16萬張（三白金），累計銷量5白金，以新人來說可謂史無前例[6]，華納唱片公司亦特登頒發白金唱片給予肯定[7]。
何哲圖多年以後接受無綫電視音樂節目《我們的音樂時代》表示，1988年《義不容情》拍攝嘅時候，原本監製韋家輝已揀咗其他歌手演唱劇集歌曲；不過經Herman協調之後先至將王傑嘅《幾分傷心幾分痴》納入《義不容情》嘅插曲。結果呢張唱片錄得三白金，打破樂壇新人首張專輯嘅銷量。另外《惦記這一些》嘅粵語版《一生何求》本來都交返俾王傑，不過Herman考慮咗陳百強嘅意見後將呢首歌曲交給佢全權負責，仲安排潘偉源填詞。陳百強回歸華納唱片之後，期間潘偉源亦都按照韋家輝嘅要求，將「偏加重我苦憂」改為「觸不到已跑開」，隻歌收錄喺陳百強嘅《一生何求》大碟。
創作同錄製
編輯王傑喺呢張專輯入面參與咗四首歌曲嘅詞曲創作，編曲方面即係由臺灣音樂人陳志遠負責，而且全碟歌曲都係國語舊作重新填詞翻唱。
獎項
編輯1989年6月，王傑憑住呢張專輯得咗香港國際唱片業協會第十一屆金唱片頒獎典禮同埋白金唱片獎[8]。喺1989年由無綫電視勁歌金曲季選嘅第一季金曲同第二季金曲分別係《可能》、《幾分傷心幾分痴》兩首歌。
曲目
編輯| 曲序 | 曲名 | 曲 | 詞 | 編曲 | 附註 | 國語版本 |
| 01 | 故事的角色 | 王文清 | 鄭國江 | 陳志遠 | 故事的角色，收錄喺《一場遊戲一場夢》專輯 | |
| 02 | 可能 | 王傑 | 潘源良 | 陳志遠 | 韓文版本係姜育恆主唱嘅《애니》（安妮） | 安妮，收錄喺《一場遊戲一場夢》專輯 |
| 03 | 我笑我哭 | 王傑 | 林夕 | 陳志遠 | 別再說想我，收錄喺《一場遊戲一場夢》專輯 | |
| 04 | 溫柔的你 | 陳秀男 | 陳少琪 | 陳志遠 | 同林憶蓮合唱 另一版本係《冬季來的女人》 |
你是我胸口永遠的痛，收錄喺《忘了你忘了我》專輯 |
| 05 | 每一個夢 | 王文清 | 鄭國江 | 陳志遠 | 心裡的話，收錄喺《忘了你忘了我》專輯 | |
| 06 | 酒醉酒醒 | 王文清 | 潘偉源 | 陳志遠 | 讓我永遠愛你，收錄喺《忘了你忘了我》專輯 | |
| 07 | 幾分傷心幾分痴 | 王文清 | 潘偉源 | 陳志遠 | 無綫電視劇《義不容情》插曲 韓文版本係姜育恆嘅《슬픈 이별》（悲傷的告別） |
一場遊戲一場夢，收錄喺《一場遊戲一場夢》專輯 |
| 08 | 一無所有 | 陳志遠 | 王傑 | 陳志遠 | 電影《飆城》粵語版主題曲 | 是否我真的一無所有，收錄喺《是否我真的一無所有》專輯 |
| 09 | 不可能 | 王文清 | 潘源良 | 陳志遠 | 忘了你忘了我，收錄喺專輯《忘了你忘了我》 | |
| 10 | 生和死 | 王傑 | 林夕 | 陳志遠 | 只因我愛你，收錄喺《一場遊戲一場夢》專輯 | |
| 11 | 人去房空 | 呂國樑 | 陳少琪 | 陳志遠 | 愛你像愛我自己，收錄喺《忘了你忘了我》專輯 |
發行歷史
編輯| 地區 | 日期 | 格式 | 版本 | 唱片公司 |
|---|---|---|---|---|
| 臺灣 / 香港 | 1989年2月28號 |
|
標準版 | 飛碟唱片 / 香港華納唱片 |
| 香港 | SACD | 限量編號版 | 香港華納唱片 | |
| 2016年1月19號 |
攷
編輯- ↑ 彭嘉彬。〈1998年曾打算退休 星夢CEO何哲圖：有次行HMV改變咗我呢個決定〉。《香港01》 (香港中文)。喺2022-02-19搵到。
- ↑ 1989.05.02 民生報 影視熱線版 無線「勁歌金曲」昨揭曉 王傑喜孜孜赴港領獎
- ↑ 1989.02.23 聯合報 綜藝新聞版 王傑風靡吉隆坡
- ↑ 1989.02.11 民生報 影劇新聞版 「浪子回頭」聲勢大 王傑香江出唱片
- ↑ 1989.01.21 聯合報 綜藝新聞版 齊秦、王傑開發香港市場
- ↑ 1989.02.18 民生報 影劇新聞版 王傑粵語唱片 香江銷售破紀錄
- ↑ 1989.02.26 民生報 影劇新聞版 粵語歌唱得溜 故事的角色香江告捷 王傑 獲頒白金唱片
- ↑ 1989.06.13 民生報 影劇焦點版 蘇芮 王傑 聲威遠播 獲香港金唱片獎