散光
維基百科嘅醫學類文章只係提供參考，並唔係醫療意見。 閣下如果有任何關於健康嘅問題，請諮詢專業醫護人員。 |
散光（粵讀：saan² gwong¹，英文：Astigmatism，亦作：亂視）係眼嘅一種屈光不正常狀況，與角膜嘅弧度有關。 專業定義:眼球喺唔同子午線上屈光度唔同,形成兩條焦線同最小彌散斑嘅屈光狀態稱為散光
| Astigmatism | |
|---|---|
| 分類同外部資源 | |
| ICD-10 | H52.2 |
| ICD-9 | 367.2 |
人類嘅眼並唔係完美嘅，如果角膜喺某一角度嘅弧度較彎，而另一啲角度則較扁平，光線便唔可以準確地聚焦喺視網膜上，呢種情況便稱為散光。散光患者睇嘢時會較難細微地睇清景物。一般情況下，散光並唔會獨自出現，患者嘅眼通常都會伴有近視或遠視。
散光嘅矯正方法：主要係配戴眼鏡，散光眼鏡喺某一角度會有特別嘅弧度，以矯正患者眼喺該角度嘅散光；隱形眼鏡或激光矯視手術亦可矯正散光嘅問題。
除咗角膜外，晶狀體嘅弧度唔一致，亦係造成散光嘅另一原因。
市場上經已有非常多種類嘅即棄散光隱形眼鏡，度數範圍足夠8 成以上散光患者，視光師建議無論配戴鏡框眼鏡，抑或隱形眼鏡，有散光問題便需要立即矯正，並唔係高散光度數先至需要矯正。
有部份人誤以為散光隱形眼鏡鏡片比一般隱形眼鏡厚，配戴時會感不適。其實隨著科技及物料嘅改進，現散光隱形眼鏡鏡片嘅厚已跟一般隱形眼鏡一樣，配戴起嚟亦冇任何分別。