公式

公式係科學上用符號去表達資訊嘅方法，常用嘅有兩種：數學公式同化學公式。

數學公式

球體體積可以用數學公式表達

數學公式，簡稱數學式，係用數學符號去表達兩個項關係嘅概念，譬如球體體積嘅數學公式係：

$V={\frac {4}{3}}\pi r^{3}$.

其中V係代表球體體積，r係球體半徑，左右兩邊嘅項用等號連接，代表兩邊等如。

化學公式

内文：化學式

異丁烷成份可以用化學公式表達

化學公式，簡稱化學式，係用化學符號去表達化合物嘅成份，譬如異丁烷嘅化學公式係：(CH₃)₃CH。

其中C係碳，H係氫。