文昌路 (廣州荔灣)

  呢篇文講荔灣區入面嘅文昌路。想搵廣州市入面其他區嘅文昌路嘅話，請睇文昌路 (廣州)。

  呢篇文講廣州市入面嘅文昌路。想搵其他城市入面嘅文昌路嘅話，請睇文昌路。

文昌路（粵拼：man4 coeng1 lou6）係中國廣東省廣州市荔灣區嘅一條一般嘅馬路，成條馬路係南北走向。南邊從第十甫路、下九路同埋珠璣路嘅交界開始，一直向北去到龍津中路嗰頭。

文昌路 WENCHANG ROAD

文昌北路嘅路牌（龍津中路口嗰嚿）

性質： 一般馬路 全長： 1.2公里 行車線： 2車道 南向北嘅單行線 地區： 廣州市荔灣區 起點： 第十甫路、下九路同埋珠璣路嘅交界 終點： 龍津中路 主要建築： 廣州酒家文昌南路店 文昌廟

概要

全長1.2公里，闊12米。2車道，凈係可能從南邊去到北邊。呢條馬路分成南同北兩部份。

文昌路嘅兩條道路，起點到終點

• 文昌南路：從第十甫路、下九路同埋珠璣路嘅交界開始一直去到長壽西路嗰度
• 文昌北路：從長壽西路開始一直去到龍津中路嗰度。

名

文昌廟

其實呢度好耐之前，係有一間文昌廟響度。就係以前有位嗌「文曲星」嘅文昌帝就係統治嗮成個人間嘅名人神仙喇。而到咗明朝同清朝嗰陣，文昌廟就出嗮名。而到咗清朝嘅嘉慶年嗰陣，喺依家嘅廣州酒家附近又起咗棟文昌廟響度。嗰陣嘅十三行幾乎霸嗮成個中國嘅對外貿易，而呢度就係有錢佬住嘅一尐地。不過佢哋為咗方便同朋友傾偈，所以就響嘉慶十五年（1810年）嗰陣喺呢度起咗間文瀾書院。而每年嘅嗰日就會喺呢度搞幾次聚會。由於文瀾書院嘅成員大部分都係科舉考試嘅人，所以佢哋成日都嚟拜文昌帝嘅。而文瀾書院附近冇幾遠嘅文昌廟都係好鬼熱鬧。不過噉啱得噉橋，喺文瀾書院同文昌廟起好咗之後，狀元梁耀樞、榜眼譚宗竣同埋探花李文田都嚟咗西關嗰邊住。再加埋一大堆退咗職嘅人成日嚟呢度住……所以搞到西關一帶有好多間進士門第響度，所以咪搞到西關文人行埋一齊嚟呢棟廟玩囉。就噉，啲後人就話西關係笪福地，加上文昌廟附近嘅香火燒到好旺，所以附近嘅「文昌巷」就係咁嚟。

開咗條馬路

喺1931年，廣州市政府就將條文昌巷整闊咗，起咗條馬路，由於附近有間文昌廟響度，所以咪改咗名嗌「文昌路」。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 第十甫路、下九路、珠璣路
• 長壽西路
• 龍津中路

出面網頁

• 广州路名 360圖書館