廣州酒家粵拼gwong2 zau1 zau2 gaa1上交所603043)係中國廣東省廣州市嘅一間好出名嘅老字號酒樓,喺1935年開始創辦。呢間酒樓有12間分店,佢嘅總部喺荔灣區文昌南路2號嗰度。呢間酒樓喺成個廣州嚟講,佢係名氣最大嘅一間,佢有「食在廣州第一家」嘅稱號。

廣州酒家
廣州市登記保護文物單位
喺邊荔灣區文昌南路近十甫、十八甫嘅交界。
86
登錄2002年9月

編輯

其實呢間酒樓之前係西關嘅文昌廟同埋洪聖廟,但係呢兩間廟喺1921年嗰陣,廣州市政府話整條文昌路出嚟嗰陣先至拆咗[1]。到咗1935年,喺光復南路嘅英記茶莊舖嘅檔主——陳星海,得咁橋就睇啱呢度先至開咗間酒樓,由於間酒樓係向西南邊,所以先至改咗名嗌「西南酒家」。不過到咗1938年就唔好彩,撞正火燭燒冧咗,但係到咗1940年冬天,陳星海、關樂民同埋廖弼等人夾埋出錢重新起過間酒樓,重攞咗「食在廣州」嘅意思先至將之前「西南酒家」嘅名改做「廣州酒家」。雖然話喺1950年2月嗰陣酒樓就停咗業,但係後嚟由蔡偉漢出錢嚟重新開返。直到1956年2月嘅公私合營之後先至變咗國企,到咗文革之後重係用返呢間酒樓嘅名嚟開業。喺1983年7月份重將成間酒樓都升咗級嘅同時,甚至喺1989年12月30號開始,喺出面開咗幾間分店。其中第一間分店就喺而家海珠區濱江西路嗰度。間酒樓重喺1991年成立咗廣州酒家集團公司嘅同時,甚至喺2005年9月份甚至俾廣州市人民政府話咗係市級文物同埋全國十佳酒家等一系列嘅稱號。

2017年6月27號,廣州酒家喺上海證券交易所上市[2][3]

分店 編輯

廣州酒家開咗12間分店,其中11間開緊,1間執咗笠。佢嘅主要分店:

  喺度開緊嘅    已經執咗笠 

分店 位置
濱江路店 海珠區濱江西路20號
體育東店 天河區體育東路112號
五羊店 越秀區五羊新城明月一路9號
東山店 越秀區東山大街1號
江畔紅樓店 荔灣區大坦沙海角紅樓泳場附近
黃埔店 黃埔區海員路39號
同福店 海珠區同福中路309號之五
敦和店 海珠區廣州大道南穗和南街6號1——5樓
白雲店 白雲區白雲新城雲霄路353號(五號停機坪廣場A區3樓)
越華店 越秀區越華路112號珠江國際大廈5-6樓
臨江大道店 天河區珠江新城臨江大道57號2樓
逸景店 海珠区逸景西路464——466號(珠江國際紡織城)6樓

出面網頁 編輯

編輯