文物修復辦事處

 文物修復辦事處（粵拼：man4 mat6 sau1 fuk6 baan6 si6 cyu3） （簡稱文物修復組；英文：Conservation Office）係香港特別行政區政府民政事務局康樂及文化事務署轄下嘅部門，負責香港博物館同文物古跡嘅保存同修復，同埋相關嘅教育事務。

服務範圍

文物修復辦事處設有13個專門修復實驗室，負責設計、推行同評估各項修復項目。此外，修復辦事處亦需要根據部門嘅藏品同外借展品嘅保存事宜提供意見同技術支援。由文物修復辦事處負責照料嘅文物類別好廣泛，包括書畫、紙本文物、紡織物、金屬品、陶瓷器、民間用品、木器以至其他出土文物。現時修復主任亦要為各博物館籌辦嘅專題展覽提供技術支援、保存總數大概二十萬嘅博物館藏品，同埋協助古物古蹟辦事處保存大概有八十萬件嘅出土文物。而文物修復辦事處嘅職責係盡力保存香港嘅文化財產，令到佢哋呈現最真實嘅面貌，畀後世得以研習同欣賞。

主要工作

• 文物保護
• 評估文物狀況
• 文物記錄
• 文物修復

出面網頁

• 香港特別行政區政府 文物修復辦事處