康樂及文化事務署

康樂及文化事務署（簡稱康文署，英文：Leisure and Cultural Services Department，縮寫：LCSD）係香港特別行政區政府民政事務局轄下嘅部門，專責統籌香港嘅康樂體育、古物古蹟同文化藝術有關嘅活動同服務，現任署理署長係楊芷蘭。副署長(康樂事務)係李碧茜，另一位副署長(文化)係楊芷蘭。

康樂及文化事務署 Leisure and Cultural Services Department
香港特別行政區政府機構
File:Leisure and Cultural Services Department.svg 康樂及文化事務署標誌
署長	劉明光
副署長	李碧茜（康樂事務） 楊芷蘭（文化）
助理署長	羅志偉（財務）、梁張雪玫（行政） 馮惠芬（演藝）、譚美兒（文博） 陳明昌（康樂事務1） 孔得泉（康樂事務2） 陸智剛（康樂事務3） 鄭劉美莉（圖書館及發展）
部門資訊
成立年份	2000年
所屬部門	民政事務局
總部	新界東沙田排頭街1-3號
聯絡資訊
網站	http://www.lcsd.gov.hk

歷史

食物環境衞生署同康樂及文化事務署嘅前身係由市政局及區域市政局管理嘅市政總署同區域市政總署。

市政局同區域市政局喺2000年1月1號，俾當時嘅行政長官董建華以推行「市政服務改革」嘅理由將兩個市政總署一齊解散，市政總署同區域市政總署就解散並重組成為食物環境衞生署同康樂及文化事務署，並接管原本由民政事務局、兩個市政總署、康體發展局同影視處部分工作。

康樂及文化事務署成立初期，以「凝聚新動力，文康展新姿」作為形象標語。

職責

康樂及文化事務署管理香港所有公共康樂體育同文化藝術有關設施，包括博物館、公園、圖書館、泳灘、游泳池、健身室、大會堂、文娛中心同法定古蹟等。此外，康樂及文化事務署亦會舉辦好多收費或免費嘅康樂或文化活動畀市民參加，康樂方面有一年一度嘅香港花卉展覽、普及健體運動、先進運動會、體育培訓計劃、社區體育興趣班等；文化活動方面有香港最大型嘅中秋、元宵綵燈會、新年倒數嘉年華同埋各主題藝術節等。

歷任首長

• 梁世華（2000年1月1號─2003年2月25號；2002年12月3號開始退休前休假）
• 王倩儀（2003年2月26號─2006年8月30號）
• 周達明（2006年8月31號—2009年8月16號）
• 馮程淑儀（2009年8月31號—2014年7月14號）
• 李美嫦（2014年7月17號—2019年9月9號）
• 劉明光（2019年10月4號—）

出面網頁

• 香港特別行政區政府 康樂及文化事務署