斜向字

  提示：呢篇文講嘅唔係斜體。

斜向字（英文：oblique，又叫 slanted 或者 sloped roman），又叫假斜體，喺排版同平面設計，係泛指字身傾斜，但係冇行hong4氣（flow）嘅字體，通常係向右斜ce3。字型設計講嘅 ｢行氣｣ 係指透過有遞移性（transitive）嘅腳等等筆劃上嘅修飾，做出字符之間有連續性同有動感嘅視覺錯覺；斜向字因為冇做爾種修飾，排出來嘅字唔會有爾種視覺上嘅連續性。

中文入面 ｢斜體｣ 嘅含意一直搞唔清楚，好多時意大利體同斜向字當係一樣嘢，中文字款嘅斜體亦通常係斜向字。

黑框係用算法夾硬將正體整斜 -12°，灰色係實際設計出來嘅斜向字形，後者明顯係人手執過

一般文書處理器同網頁瀏覽器喺揀着zo2嘅字型冇意大利體嘅情況下，如果要求用斜體，就會用算法將字身傾斜而做出斜向字頂檔，但係專業設計嘅字型，即使係斜向字，其實亦都有人手執過。