新北寶仁幼兒園餵藥案

喺2023年5月，台灣新北市板橋區某私立幼兒園接連爆出，有學童被教保員餵藥，身體接連出現問題。之後學童身上，驗出有「巴比妥（Barbiturates）」同埋「苯二氮平類（Benzodiazepines）」等藥物殘留。事件引起外間關注，新北市市長侯友宜亦因而遭受一啲批評，好多人話佢顧住選總統唔理市政。

事件經過

喺2023年5月，有家長發現就讀呢間幼兒園嘅小朋友出現易怒、自殘等行為，詢問佢哋之下，得知佢哋被老師餵食不明藥物。事件爆發後，仲有更多案例浮出水面，而家長已經有10位報案，而啲小朋友身上都檢測出有「巴比妥」同「苯二氮平類」等藥物殘留。

外間回應

時代力量

時代力量立委王婉諭、新北市黨部主委王薇君、台灣兒科醫學會秘書長歐良修喺6月5號偕同其中四名受害者家屬召開記者會，要求政府部門盡速擴大調查、給予幼兒全面協助。王婉諭話，事件爆發後，家長好擔心，教育局完全冇公開解釋或幫助家長了解情況，就算幼兒園宣布租約到期要停業，都冇主動提供轉園資訊。相比其他縣市處理幼兒園虐待事件，新北市教育局嘅做法明顯偷懶。佢強調，新北市政府應該積極處理呢個案件，喺調查、醫療、就學同心理援助方面，妥善照顧好孩童同佢地家長。

侯友宜競選辦公室一度話呢件事唔應該延伸成政治性議題，時代力量發言人余佳蒨去到5月8號亦反駁，批評市政府已經搞到爛咗兩個月，等到事情傳媒報道先快速喊話要調查，侯友宜竟然用政治攻擊來敷衍，只顧著選總統，唔理新北市嘅市民。

民進黨

• 羅致政同邱泰源兩名立委在立院舉行記者會，控訴新北市政府態度消極被動，並呼籲檢調單位應儘速偵辦。
• 立委蘇巧慧批評，身兼新北市市長嘅國民黨總統參選人侯友宜淨係顧住選總統，叫新北市民情何以堪。
• 立委林靜儀質疑藥物來源，又痛批新北市教育局處理態度消極。