新口岸水塘

新口岸水塘 (粵拼：san1 hau2 ngon6 seui2 tong4) 係指喺澳門新口岸北面嘅人造水塘。呢個水塘無官方名，只係叫水塘（葡文：Reservatório）或者儲水塘（葡文：Reservatório de Água）。水塘喺花地瑪堂區，係依家澳門面積最大同儲水量最多嘅水塘。

大水塘

設施

有一條步行徑圍繞住新口岸水塘，全長大約2600米，分兩期起。步行徑嗰度有涼亭、兒童遊樂設施同健身設施。

步行徑有幾個入口，方便市民來往黑沙環、外港客運碼頭、回力娛樂場、松山等地方，亦係來往新口岸同黑沙環嘅主要步行通道。

水塘步行徑

水塘步行徑

嗰條步行徑係喺2000年同水塘馬路工程同步進行，喺2002年1月4號落成，嗰時得大約900米。而2006年開始嘅第二期工程將步行徑延長至2600米。同時，又增加咗休憩空間、健身設施同綠化空間。

步行徑建成之前，原本係澳門自來水公司圍封嘅禁區。剩係澳門格蘭披治大賽車期間先係嗰度設置看台，畀人入去。

歷史

新口岸水塘唔係天然。水塘位置原本係海，填海計劃起工業區。之後，為咗配合人口增加而起呢個水塘。新口岸水塘建造工程喺1935年動工，1938年起好投入服務。佔地約30萬平方米。

睇埋

• 石排灣水塘

參考

• 環境保護局 - 自來水的供應