婦

婦（文讀 fu⁵，白讀 pou⁵）指結咗婚嘅女人。「新婦」係阿仔個老婆，呢個詞重衍生出「孫新婦」（阿孫個老婆）、「侄新婦」（侄仔個老婆）呢一批親屬稱謂。

pou⁵呢個白讀音，只會用響「新婦」同埋衍生詞上，其他有「婦」字嘅詞語，都會用文讀音fu⁵。呢個白讀音，係由上古漢語承傳落來，係「古無輕唇音」嘅例子，同客家讀音bu1、越南音phụ，同出一轍。

但係，坊間多數人都唔知呢個字可以讀pou⁵，唯有用假借字「抱」來寫呢個音，於是乎「新婦」就寫做「新抱」，甚至有人會寫「心抱」，因為san¹pou⁵讀得快嗰陣時，個n音會被p同化，變成m音，讀成sam¹pou⁵。其實，寫返正字「新婦」更加能夠開門見山喇。