新廣東話聖經
廣東話聖經譯本
《新廣東話聖經》係1997年香港聖經公會出版文字用廣東話嘅《聖經》譯本，係因應香港為數唔多嘅幾間教會要求，重新翻譯出版嘅。1997年第一版印製咗大概八千本，經過十年，終於賣晒，香港聖經公會需要再版重印。第二版以全新版面編排，每頁經文橫排分兩欄，喺2006年印製咗六千本，2010年再印一千八百本。
簡介 編輯
美國聖經公會1894年喺上海出版第一個廣東話聖經譯本，由喺華人地區嘅長老會差會主持翻譯。香港有幾間注重傳統嘅教會，以往一直採用舊廣東話譯本作為堂用聖經，但係由於廣東方言經過一個世紀嘅演變，舊譯本嘅經文已經變得唔太啱用。1980年代中，聯合聖經公會亞太區翻譯部門就因應香港呢啲教會嘅要求，着手重新翻譯廣東話聖經。呢個新廣東話聖經嘅經文翻譯，除咗參考和合本嘅經文之外，亦參考咗好多現代中文譯本嘅經文，翻譯工程大概花咗十年時間，終於喺1990代中完成，1997年出版，譯本版權屬於聯合聖經公會，由香港聖經公會代理出版[1]。
新廣東話聖經嘅主要對象係年輕人，特點係文字容易閱讀；會用「我哋」、「佢對我」、「我哋死咯！」等詞彙；可以用喺話劇同練習廣東話。