開主選單

新思維香港政治組織,2016年1月3號成立,發起人包括前民主黨黃成智周奕希狄志遠等。佢哋嘅定位係中間派,主張走「第三路線」。[1][2]

2015年區議會選舉,新思維派咗幾個人競逐區議會議席,不過有啲人就用獨立身份參選(好似黃良喜)。最後就只係得本身自動當選嘅周奕希連任,其他人就全軍覆沒。

2016年1月,黃成智代表新思維報名參選香港立法會新界東地方選區補選,結果輸咗,連選舉津貼都攞唔到,只係收得返選舉保證金。

2016年立法會選舉,新思維選前部署過喺5個地方選區出4條名單,但到真正出選嗰時就得番2隊人出選九龍西(狄志遠)同新界東(廖添誠)。但突然間,出選新界東嘅廖添誠同佢團隊嘅9人喺選前退選,佔新思維總黨員嘅10%,話黨內高層不單只唔鼓勵佢哋出選,重想勸退佢哋,希望集中票源去到民主思路嘅名單。而黨內另一個核心成員黃成智亦都因黨內唔支持出選社會福利界功能界別而退出新思維作獨立參選。結果新思維選前分裂,出師未捷身先死,而唯一打正新思維旗號出選嘅狄志遠名單喺競爭激烈嘅九龍西亦得萬幾票輸咗。

參考

睇埋

出面網頁