新春開運王

《新春開運王》（英文：Feng Shui For The New Year（第一輯） / 英文：Fortune Show（第二輯起））係香港電視廣播有限公司製作嘅資訊節目，總共有六輯。

第一輯由黎芷珊、農夫、陳自瑤主持，由2016年2月9號到9月15號逢禮拜一到五晚22:30－23:00喺翡翠台播；第二輯由薛家燕、莊思敏主持，由2017年1月23號到2月10號同一時段播；第三輯由麥長青、胡諾言、莊思敏主持，由2018年2月5號到2月23號同一時段播；第四輯由薛家燕、黃致豪、湯洛雯主持，由2019年1月28號到2月15號同一時段播；第五輯由薛家燕、周志康、宋宛穎主持，由2022年1月6號到1月21號禮拜四、五晚22:30－23:00播，同埋1月24號到2月4號逢禮拜一到五晚22:30－23:00播；第六輯由謝雪心、蔡國威、梁凱晴、阮嘉敏主持，由2023年1月17號到1月25號逢禮拜一到三晚22:30－23:00播，同埋1月29號禮拜日晚22:00－22:30播。