新柔長堤
新柔長堤（英文：Johor-Singapore Causeway；馬來話：Tambak Johor）係一條連埋星架坡兀蘭新鎮同馬來西亞柔佛州新山嘅長堤，長1056米，橫跨柔佛海峽。新柔長堤有條行人路連接，重有鐵路通道同埋向星架坡供水嘅水管。長堤每日平均有6萬車輛通過，公眾假期前夕成日出現嚴重交通擠塞。
| 新柔長堤 Johor-Singapore Causeway | |
|---|---|
 | |
| 正式名稱 | 新柔長堤 Tambak Johor |
| 載有 | 汽車 單線鐵路 |
| 跨越 | 柔佛海峽 |
| 地點 |  馬來西亞 柔佛州 新山市 星加坡兀蘭
|
| 維護單位 | 馬來西亞 PLUS Malaysia Berhad （Projek Lebuhraya Usahasama Berhad） 新加坡 陸路交通管理局（LTA） |
| 總長度 | 1 km |
| 通車日期 | 1923年 |
新柔長堤係1920年代由英國建築師起嘅，1923年落成。長堤喺1942年第二次世界大戰嗰陣畀英軍炸咗，暫時阻住日軍進攻星架坡。日軍征服星架坡之後，就將炸毀嘅部分補返。2000年，星架坡啟用新嘅移民海關大廈，用嚟應付年年越來越旺嘅交通。馬來西亞亦喺2003年開始起自己嘅新移民海關大廈。
收費
編輯車輛喺長堤兩岸都要畀通行費，馬來西亞方面由PLUS Malaysia Behad公司經營。外國註冊嘅小型汽車同電單車喺日頭指定時段進入新加坡要畀車輛入境通行證（VEP，英文：Vehicle Entry Permit）費用，小型汽車每年享有10日免費期。入境柔佛嘅外國小型汽車就要畀20令吉費用[ref 1]。
新加坡方收費
編輯| 等級 | 車輛類型 | 離境通行費[ref 2][SIN 1] | 入境通行費[ref 3][SIN 1] | 車輛入境許可證（VEP）收費[ref 2][SIN 2]。 | 相應道路收費（RRC）[ref 2][ref 4][SIN 3][SIN 1] |
|---|---|---|---|---|---|
| 0 | 電單車 | - | - | S$4.00/日 | S$6.40 |
| 1 | 小型汽車 | S$1.00 | - | S$35.00/日 | |
| 2 | 輕型貨車[SIN 4]。 | S$1.50 | - | - | |
| 3 | 重型貨車 | S$2.00 | - | - | |
| 4 | 的士（出租車）（馬來西亞同新加坡的士可以往返兩地，只准載客去，去到當地要空車走） | S$0.50 | - | - | |
| 5 | 巴士 | S$0.80 | - | - |
- ↑ 1.0 1.1 1.2 所有費用都只可以用Autopass卡畀。
- ↑ VEP收費只生效於星期一至星期五朝早2點至下晝5點；新加坡學校假期提前至12點結束
- ↑ 新加坡於2017年2月15號開始執行相應道路收費（RRC），以回應馬來西亞於2016年11月1號開始對駛入柔佛嘅非馬來西亞小汽車收取20令吉（即等於6.4新元）費用。
- ↑ 輕型貨車嘅定義係兩軸或者少於六個轆嘅貨車
揸車通行
編輯去新加坡方向有4條車道，分別用於小型汽車、電單車、巴士同貨車通行。前往馬來西亞方向嘅車道就分配畀其他車、電單車同貨車。鑒於2010年有針對歐洲嘅恐怖襲擊計劃，基於安全原因長堤兩端嘅關卡唔畀影相或者攝影，違規者將交由移民與關卡局處置或者被要求刪除照片。
通道有高度限制，所以雙層巴士唔畀通行。
新加坡入境
編輯新加坡（入境）方面，LED熒幕指向通往口岸嘅四條車道。有幾個櫃台檢查乘客護照。呢一個關叫做「初級通關」（英文：primary clearance）。
電單車將會被指引去一條專用通道；巴士同樣必須經另一個獨立嘅通道入關。承載住應稅貨物嘅車輛被指引到紅色通道申報貨物，喺附近櫃台繳付稅費；無載到任何應稅貨物嘅車輛可以用綠色通道，而車輛前往海關檢查中心接受檢查係強制性嘅。呢一個關口係「次級通關」（英文：secondary clearance）。
至少一名乘客需要落車。海關為車輛提供咗停車位。如果通關，架車將前往海關檢查中心接受查驗。負責人員有權搜查乘用車內嘅貨物。可疑人物將被要求開車到附近嘅站畀警犬檢驗車上面有無走私貨物或者毒品，同時亦有安全檢查，車輛要攞嗮所有物品接受檢驗。
一旦通過所有查驗程序，車輛可以開去武吉知馬高速公路或者兀蘭中心路。
新加坡出境
編輯新加坡法律規定所有新加坡註冊車輛離開新加坡時，油箱必須有四分之三滿嘅燃油。新加坡政府要打消新加坡人越境到柔佛州純粹只係去買平油嘅念頭，即使過去半桶汽油已足夠。外國註冊車輛唔使遵守呢個規定。
根據日期同時段，可以從武吉知馬高速公路或者兀蘭中心路通往長堤。由兀蘭中心路進入嘅乘用車被導引到四個車道。由武吉知馬高速公路行駛嘅車輛須按照車型同時段選擇車道，喺通關高峰期，小型汽車可以用高架橋直達兀蘭關卡。
移民與關卡局人員會檢查車上嘅人護照。通過檢查後，架車會開向官員檢查所有新加坡注冊車輛油錶嘅區域，隨即車輛駛過長堤。
塞車問題
編輯喺繁忙時段，兀蘭中心路車龍長度可以去到1.5公里。通過武吉知馬高速公路前往口岸嘅車輛亦可能遇到呢種情形。乘坐公共巴士越過長堤可以花上30至45分鐘，其他車輛去到1至2個鐘。
公共交通服務
編輯火車
編輯所有火車都係由馬來亞鐵道運營，新加坡一端終點站曾經係丹戎巴葛火車站，依家已經縮短至長堤南段嘅兀蘭火車關卡。
| 車次 | 名稱 | 路線 | 提供座席 |
|---|---|---|---|
| 63 | Shuttle Tebrau | 新山中央車站（05:30） – 兀蘭火車關卡（05:35） | ASC（空調二等） |
| 65 | 新山中央車站（06:00） – 兀蘭火車關卡（06:05） | ASC | |
| 67 | 新山中央車站（06:30） – 兀蘭火車關卡（06:35） | ASC | |
| 69 | 新山中央車站（07:00） – 兀蘭火車關卡（07:05） | ASC | |
| 70 | 兀蘭火車關卡（08:00） – 新山中央車站（08:05） | ASC | |
| 71 | 新山中央車站（08:30） – 兀蘭火車關卡（08:35） | ASC | |
| 73 | 新山中央車站（09:00） – 兀蘭火車關卡（09:05） | ASC | |
| 74 | 兀蘭火車關卡（10:00） – 新山中央車站（10:05） | ASC | |
| 77 | 新山中央車站（12:30） – 兀蘭火車關卡（12:35） | ASC | |
| 78 | 兀蘭火車關卡（13:30） – 新山中央車站（13:35） | ASC | |
| 81 | 新山中央車站（15:30） – 兀蘭火車關卡（15:35） | ASC | |
| 82 | 兀蘭火車關卡（16:30） – 新山中央車站（16:35） | ASC | |
| 83 | 新山中央車站（17:00） – 兀蘭火車關卡（17:05） | ASC | |
| 84 | 兀蘭火車關卡（18:00） – 新山中央車站（18:05） | ASC | |
| 86 | 兀蘭火車關卡（18:45） – 新山中央車站（18:50） | ASC | |
| 87 | 新山中央車站（19:00） – 兀蘭火車關卡（19:05） | ASC | |
| 88 | 兀蘭火車關卡（20:00） – 新山中央車站（20:05） | ASC | |
| 90 | 兀蘭火車關卡（20:45） – 新山中央車站（20:50） | ASC | |
| 91 | 新山中央車站（21:00） – 兀蘭火車關卡（21:05） | ASC | |
| 92 | 兀蘭火車關卡（22:00） – 新山中央車站（22:05） | ASC | |
| 93 | 新山中央車站（22:15） – 兀蘭火車關卡（22:20） | ASC | |
| 94 | 兀蘭火車關卡（23:15） – 新山中央車站（23:20） | ASC |
巴士
編輯| 路線 | 出發地 | 目的地 | 備注 |
|---|---|---|---|
| 長堤連線（Causeway Link）跨境線路 | |||
| CW1 | 拉慶中央車站 | 兀蘭路（克蘭芝地鐵站） | |
| CW2 | 拉慶中央車站 | 奎因街 | |
| CW5 | 蘇丹依斯幹達大廈（馬來話：Bangunan Sultan Iskandar） | 紐頓圈（紐頓熟食中心） | |
| Advanced Coach跨境線路 | |||
| AC-7 | 義順臨時巴士轉換站 | 新山中央車站折返 | |
| 新捷運（SBS Transit）主幹路線 | |||
| 160 | 裕廊東巴士轉換站 | 新山中央車站折返 | 
|
| 170 | 奎因街 | 拉慶中央車站 |
|
| 170X | 兀蘭路（克蘭芝地鐵站） | 新山中央車站折返 |
|
| SMRT巴士主幹路線 | |||
| 950 | 兀蘭巴士轉換站 | 新山中央車站折返 |
|
存廢問題引申嘅政治風波
編輯由於新柔長堤同埋喺大士嘅第二通道，唔能夠應付星架坡同馬來西亞之間日益頻繁嘅交通。所以馬來西亞一直想起新嘅大橋，包括拆咗而家嘅新柔長堤，嚟解決兩地之間嘅交通問題。
攷
編輯- ↑ "RM20 road charge for foreign vehicles entering Johor from November". CNA (英文). 2016-10-28. 原著喺2019-06-08歸檔. 喺2019-04-02搵到.
- ↑ 2.0 2.1 2.2 Land Transport Authority. "Vehicle Entry Permit (VEP) Fees, Toll Charges & Reciprocal Road Charge". 原先內容歸檔喺2017-01-19. 喺2019-04-02搵到.
- ↑ Halim Said (2018-01-05). "From Feb 1, no more tolls for M'sian motorists entering Singapore via Woodlands". www.nst.com.my. New Straits Times. 原先內容歸檔喺2018-01-09. 喺2019-04-02搵到.
- ↑ Land Transport Authority (2017-01-16). "Reciprocal Road Charge on Foreign-Registered Vehicles from 15 February 2017". www.lta.gov.sg. 喺2019-04-02搵到.