新澤俊彥
新澤俊彥，日本東京出身，保育士出身[1]，學生時期已經演唱做音樂，後尾唔做保育士，做咗唱作歌手，作詞家，作曲家，繪本作家，兒童文學作家。作品以藝名筆名新沢としひこ為名。佢有喺大學做講師，如神戶親和女子大學同中部學院大學做客座[1]，有關保育，亦即幼兒教育。
一九七七年，日本改例，修改兒童福祉法，畀男人做保育士，首批中有佢份。當中有段時期，同為做過男保育士嘅中川宏貴合作，新澤作詞，中川作曲，見於月刊音樂廣場。然而其他同佢合作都有唔少，好似織田哲郎[2]、工藤直子、長谷川義史。作品題材廣泛，有幾首歌編入日本教科書之中，尤其世界班細蚊仔、虹、再見我哋個幼稚園咁，幼稚園、保育園、小學都會唱。而且有唔少人翻唱佢作品。