新界（沙田）法醫學大樓
新界（沙田）法醫學大樓（英文：DH's New Territories (Shatin) Forensic Medicine Centre），係香港一個公眾殮房，位於沙田大圍大圍下城門道7號，喺2022年12月29號正式落成同啓用，係重置後嘅富山公眾殮房，遺體儲存容量增加至830具，以應付日漸增加嘅服務需求同提升殮房嘅營運質素同衞生標準[1]。舊有嘅殮房大樓喺2023年1月7號起停用。
簡介
編輯新界（沙田）法醫學大為係衞生署轄下法醫服務嘅專門設施。大樓稱為「法醫學大樓」，突顯佢並非只提供公眾殮房嘅功能，更係一所結合多功能嘅現代化法醫病理學設施。樓高七層，提供符合傳染病控制、職業安全、健康標準嘅設備同設施。設有各種法醫病理學設施，包括冷藏室、冷凍庫、剖驗套間、化驗室等，更係全香港首次喺公眾殮房設有電腦掃描室，令法醫病理科醫生有更多途徑了解遺體狀況同進行深入病理學研究。
大樓亦為離世者家屬提供更多合適空間同更寬敞嘅環境，並設有三間室內遺體告別室，提供安靜同私隱度高嘅環境，俾家屬舉行簡單送別儀式。同時，大樓亦會用嚟做執法人員嘅培訓地點，提供進行刑事偵查同罪案現場調查培訓嘅用途。
附近
編輯參考
編輯- ↑ 〈衞生署新界（沙田）法醫學大樓正式落成〉。《香港特別行政區政府 - 新聞公報》。2022年12月29號。