新魯冰花：孩子的天空
《新魯冰花：孩子的天空》（英文：Colorful Mind）係2009年上映嘅臺灣電影，重新拍攝1989年電影魯冰花，改編自鍾肇政嘅小說《魯冰花》。
| 新鲁冰花：孩子的天空 Colorful Mind | |
|---|---|
| 資料明細 | |
| 導演 | 陳坤厚 |
| 監製 | 卓伍 |
| 製片 | 杜又陵 |
| 編劇 | 陳靜慧 |
| 故仔 | 鍾肇政 |
| 原著 | 魯冰花 |
| 主演 | 陳至愷 周幼婷 吳浚愷 何姵蓓 |
| 攝影 | 江申豐 |
| 剪輯 | 蕭汝冠 |
| 製片商 |  皇朝影視股份有限公司 |
| 片長 | 96 分鐘 |
| 產地 | 台灣 |
| 官方網站 | 《新魯冰花*孩子的天空》官方部落格 |
| 上畫同發行 | |
| 上畫日期 | 2009年4月3號（臺灣） |
| 發行商 |  美亞娛樂發展股份有限公司 天下影畫有限公司 高仕國際影視多媒體股份有限公司 中國電影集團公司（大陸發行商） |
| 票房 | 新台幣 84萬 |
| 前集同續集 | |
| 前集 | 魯冰花 |
劇情簡介
編輯古阿明係小學四年級學生，屋企世代都經營茶園嘅生意。古阿明鍾意畫畫，但係佢嘅畫作，喺其他人眼中，只不過係放肆嘅塗鴉。班上嚟咗一個叫郭雲天嘅美術老師，喺古阿明嘅畫中，郭雲天發現咗佢無限嘅潛能，佢決定幫助呢個充滿天份嘅男仔，令到更多人睇得明佢嘅畫，睇得出佢嘅才華。郭雲天想畀古阿明擔任美術課代表，但係俾學校反對，最終，另一位叫林志鴻嘅男仔擔任呢個職位，因為林志鴻嘅爸爸喺村裏面有好大嘅名氣同好高嘅聲望。喺經歷咗無數次失望同挫敗之後，郭雲天終於發現自己嘅幻想喺現實面前係幾咁幼稚同好笑，佢選擇放棄，靜靜離開咗學校。郭雲天帶咗古阿明嘅畫作參賽並獲得世界比賽第一名，但係阿明已經病死咗，只能夠由佢嘅父母代為領獎。
出面網頁
編輯- 《新鲁冰花：孩子的天空》喺開眼電影網嘅資料（臺灣正體）
- 《新鲁冰花：孩子的天空》喺豆瓣嘅資料（大陸簡體）
- 《新鲁冰花：孩子的天空》喺時光網嘅資料（大陸簡體）
- 《新鲁冰花：孩子的天空》喺香港影庫嘅資料
- 《新鲁冰花：孩子的天空》喺互聯網電影資料庫嘅資料（英文）