新鴻基公司

新鴻基公司係間香港上市公司（港交所：00086），新鴻基金融集團係佢嘅金融業務分支，主要業務包括證券、槓桿式外匯交易、黃金、商品、期貨同期權經紀。佢同香港地產商新鴻基地產無任何關係。

新鴻基公司徽號

史

「新鴻基」個名係郭得勝同朋友李兆基、馮景禧喺1963年合組「新鴻基企業有限公司」經營地產開始有嘅。「新」字嚟自馮景禧嘅家族生意「新禧公司」、「鴻」字代表郭得勝經營YKK拉鍊等業務嘅「鴻昌行」，而「基」字就係嚟自李兆基個名。

後來三人分別自立門戶，馮景禧喺1969年成立新鴻基證券，1973年改名為新鴻基證券有限公司，1975年上市。到咗1983年公司改以新鴻基有限公司呢個名喺聯交所上市。

馮景禧1985年死後，新鴻基有限公司喺1996年俾馮景禧細仔馮永祥賣咗畀李明治。而家由李明治個仔李成煌做主席。

出面網頁

• 新鴻基公司
• 新鴻基金融集團