方國珊
提示：呢篇文講嘅唔係方國。方國珊（Christine Fong，1966年3月28號—），外號「哪吒」、「康城城主」，係香港一位工程師、息影藝人，亦係智庫組織專業動力召集人，舊時做過香港自由黨員。佢都係西貢區議會環保北選區議員。
| 方國珊 | |
|---|---|
 | |
| 出生日 | 1966年3月28號  （58歲） |
| 出生地 | 英屬香港 |
| 國籍 | 中華人民共和國 |
| 母校 | 夏威夷大學 |
| 職業 | 演員、工程師 |
| 政黨 | 專業動力、自由黨 |
| 網站 | christinefong |
[改維基數據] | |
政治立場同言論 編輯
方國珊早年係親中派自由黨成員，但之後離開咗自由黨，立場上轉向中間派，有時亦有同兩邊政治陣營喺選舉上有直接競爭。不過，有啲人就視佢係温和建制派。
批評前黨友李梓敬投機 編輯
喺第7屆香港立法會選舉嘅前夕（2020年，選舉之後被政府以武肺第三波疫情為理由押後），方國珊喺2020年7月接受訪問時，曾經批評前黨友李梓敬欺師滅祖，話佢好渴望做立法會議員，脫離咗以前喺自由黨時嘅軌跡，變得好『民建聯和工聯會』，同何君堯一樣異類。方又指，自由黨為佢付出咗咁多，但佢就離黨代表新民黨出選，做法令自由黨失望。方國珊認為，從政嘅人應毋忘初心，話李梓敬係真正嘅「政治變色龍」，而都有唔少人係咁諗[1]。
參選紀錄 編輯
方國珊先後以獨立身份選過2012年立法會選舉、2016年立法會補選、2016年立法會選舉同2018年立法會補選嘅新界東地方選區，雖然次次都選唔到，但得票一次比一次多。
2021年，佢以家庭理由（親生老頭、契爺張人龍相繼瓜老襯，而且媽咪患病）棄選第7屆香港立法會選舉嘅新界東南選區地區直選，交棒畀林素蔚代表參選。
2023年12月，方國珊再度參選區議會選舉，喺選舉委員會委員壟斷選舉提名權，互相提名都唔當係利害衝突嘅選舉制度下，終於以12187高票數當選西貢及坑口區議員。[2]
參考 編輯
- ↑ 〈【立法會選舉2020】方國珊擬6度戰立會｜貼地民生自成一派唔玩政治｜「欺師滅祖」轉贈李梓敬〉. 原著喺2021-01-18歸檔. 喺2020-07-26搵到.
- ↑ 〈區議會一般選舉區議會地方選區當選區議員名單〉. 《香港政府特別行政區新聞公報》 (繁體中文). 喺2023-12-12搵到.
出面網頁 編輯
- 方國珊嘅官方網站
- 〈關於方國珊 – 方國珊 Christine Fong〉 (繁體中文).
- 〈西貢區議會 - 西貢區議會議員資料〉 (繁體中文). 西貢區議會.
- 香港網絡大典：方國珊
- 方國珊嘅facebook頁
 |