方正電機
方正電機（全名浙江方正電機股份有限公司，簡化字：浙江方正电机股份有限公司，Zhejiang Founder Motor Co., Ltd.，深交所：002196）係一間專業從事微型特種摩打研製開發、生產、銷售嘅股份有限公司，總部喺浙江麗水，2001年12月成立，前身係麗水方正電機製造有限公司，2007年12月12號喺深圳證券交易所正式上市。企業註冊資本11,572.5萬緡，員工1,961人。已經通過咗ISO9001:2000質量管理體系認證同埋ISO14001:2004環境管理體系認證。
| Zhejiang Founder Motor Co., Ltd. | |
| 類型 | 上市有限公司 |
|---|---|
| 股票代號 | 深交所：002196 |
| 前身 | 麗水方正電機製造有限公司 |
| 開檔 | 2001年 |
| 總部地址 | 水閣開發區石牛路73號、、 |
| 郵政編碼 | 323000 |
| 電話號碼 | (86-578) 2171041/2 |
| 業務地區 | 國內市場同埋海外市場 |
| 緊要人物 | 董事長兼總經理張敏 |
| 產業 | 微型特種摩打研製開發、生產、銷售 |
| 總資產 | 12.71億人民幣（2014年年尾） 9.03億人民幣（2013年年尾） 6.73億人民幣（2012年年尾） |
| 員工人數 | 1,961（2014年年尾） |
| 子公司 | 麗水正德電子控制系統製造有限公司 麗水方正東進機電有限公司 方正電機（越南）有限責任公司 |
| 網址 | 方正電機 |
2011年7月，方正電機完成產品結構調整，形成咗以車用摩打（新能源汽車用驅動摩打為主）、電腦高速自動平縫機同埋伺服控制系統、多功能家用衣車摩打為主嘅三大主營業務產品產業結構調整；確立咗新能源汽車驅動摩打為主嘅產品發展戰略。
方正電機嘅家用衣車摩打生產量同埋出口量都係全國第一，全球市場佔有率約莫係85%；電腦高速自動平縫機產品產量同埋銷量都係國內同類企業前列，約莫佔國內市場份額20%。
方正電機家下係浙江高新技術企業、浙江省「五個一批」重點骨幹企業、浙江省名牌產品企業、浙江省著名商標企業、浙江省100個拳頭產品骨幹企業、浙江省最具成長性中型企業、中國農業銀行AAA級資信企業、浙江省勞動保障誠信示範企業、浙江省安全生產示範企業等，畀外經貿部確定為「擴大機電產品出口生產基地」。
出面網頁
編輯- 方正電機嘅官方網站 （簡體中文） （英文） （日文）
- Zhejiang Founder Motor Co Ltd (002196.SZ) Quote| Reuters.com
