產業（Industry）係指經濟之下，有關生產同服務嘅行動，造出人生活所需。生產通常係有形嘅，出來係貨品，例如養鷄、造車咁。而服務就係無形，例如整理消息，運送貨品咁。經濟上通常按造出嘅嘢，同產業分類，分成四級。一般而言，產業可以分做三個類別，分別係第一產業、第二產業同第三產業。
主要分類
改
- 第一產業，又叫初級產業，係生產鏈最低層嘅行業，主要係原料開採工作，係產品生產至供應市場嘅最早階段，例如捉魚、種嘢、採礦等。
- 第二產業，又叫中級產業，係指一件產品喺生產鏈中層嘅行業，主要擔任原料加工工作，係生產至供應市場嘅中間階段。
- 第三產業，又叫高級產業，係指一件產品喺生產鏈中最上層嘅行業，包括物流、分銷、中介等服務性工作。第三級產業需要接觸產品終端顧客，係生產至供應市場最後階段。
