方駿暉
方駿暉，原名劉志強，有方Sir嘅稱號，係香港馬評人，香港賽馬電視節目主持。1984年喺香港中文大學崇基學院社會學系畢業[1]，曾經喺九龍鄧鏡波學校教經濟同英文科，同時亦以撰稿人嘅身分，喺快報賽馬版寫專欄。1991年，方駿暉離開咗教育界，加入《賽馬勝經》，做馬經部經理，做全職馬評人，先後喺信報、天天日報、跑馬雙週刊、蘋果日報[2]同星島日報寫馬評。
方駿暉喺1995年同前騎師洪維德喺香港有線電視18台主持賽馬節目，之後無綫電視喺1997年得到賽馬節目轉播權，方洪兩人同時轉去該台主持賽馬節目。亞洲電視喺2001年重新得到轉播權，方駿暉返去有線電視18台，繼續做賽馬節目主持人。佢亦有喺香港多份報章寫馬經，以步速、賽績統計嘅科學方法去分析賽馬，其中研究賽馬理論包括「馬房變倍器」、「新馬短頭落敗、鬥心敗壞」、「群駒密攏過終點、不能作準」、「單打獨鬥，賽績優秀」、「同日同程時間比較」等，向讀者提供貼士同解讀賽績。
方Sir會喺佢嘅評馬節目推出「18馬膽」，做全日重心，曾經試過連續十幾個賽日之中得一個「位置」。
2016年，方Sir喺有線評馬節目中突然大叫「紅海灣」，成為觀眾同馬迷嘅熱門話題[3] 。
參考
編輯- ↑ 《中大校友》，2000年3月，頁12至13。
- ↑ 〈壹蘋果馬網-方駿暉〉。原著喺2018年12月15號歸檔。喺2018年12月14號搵到。
- ↑ 震撼全港馬迷！方駿暉親述紅海灣事件