施琅
施琅（1621年3月7號—1696年4月22號），字尊侯，號琢公，係大明末年、大清初年軍事將領，福建晉江人，祖籍河南固始。
佢早年係鄭芝龍嘅得力助手，1646年跟住鄭芝龍投降大清，1647年投靠鄭成功嘅反清義旅，不過後嚟，鄭成功手下曾德一度得罪佢，佢借啲意殺咗曾德，因而得罪咗鄭成功，鄭成功即刻誅殺施琅成家，佢走甩咗，老頭同埋細佬被殺。
由於屋企人被鄭成功族滅嘅深仇大恨，佢再次投降大清，而佢最出名嘅事蹟係1683年澎湖海戰，率領大清軍隊佔領臺灣，開始臺灣清治時期，重被清聖祖封做靖海侯，死後謚號襄莊。
屋企人
編輯施琅有八個仔：施世騌、施世綸（施潯江）、施世騮、施世驥、施世騋、施世驃、施世驊、施世範。此外，施祥鵬（前任全國政協香港委員）亦係佢嘅後代。