日本人瑞騙案

日本人瑞騙案係指啲日本人用其他人嘅人瑞身份嚟呃錢。

日本人瑞喺佢哋嘅100歲生日，會獲得日本首相畀佢哋嘅一隻銀杯同埋一張證明，慶祝佢哋咁長命。而每年9月15號嘅「敬老日」，重係日本嘅國家假日。

2010年6月，日本東京報稱111歲嘅最老人瑞畀人發現已經死咗超過30年，條屍喺床上面變成咗乾屍。案件哄動日本，令當地警方喺全國向105歲以上嘅人瑞展開調查。呢單案之後，警方發現近200名人瑞一夜間「失蹤」。喺其中一單案，一名報稱104歲嘅女人瑞一早已經死咗，個囝將佢嘅遺體放喺背囊長達十年。

喺日本，長者有得攞退休金，過百歲時又會收到政府嘅禮物，但係越嚟越多人擔心呢啲福利制度會畀人濫用。喺其中一單案入面，一個男人喺佢老婆死咗六年之後，重以老婆嘅名義呃咗950萬日圓嘅退休金。