屍
屍，又叫屍體，或者俗啲叫「鹹魚」，係死咗嘅人或者動物嘅身體、軀殼。通常我哋會話一「個」人，死人嘅軀體就會講一「條」屍，或者一「具」屍體。
當屍體嘅肌肉同內臟等等有機物質一路畀環境侵蝕，細菌真菌腐蝕，一段日子之後就會剩低一棚骨同埋剩落嚟嘅牙齒；而古埃及嘅法老王或者貴族死後嘅屍體，會畀人用香料加埋防腐處理而令到佢變成唔會腐爛得咁快嘅木乃伊。有啲屍體經過好長好長嘅日子之後，軀體入面嘅水份已經被環境抽乾，但係屍身仍然保有乾硬咗冇俾嘢侵蝕嘅皮同肉（有啲重隱若可以見到屍體嘅原來容貌），呢啲就叫做乾屍。
有啲神怪傳說話因為人死後啲肌肉重有殘留電子，又或者吸收埋啲日月同埋大地嘅精華，於是條屍會行會郁（稱為「屍變」），甚至傳到話佢哋會喺三更半夜由棺材走出嚟四出吸人血嚟維持精神同肉身不死狀態；呢啲冇正常人類意識嘅活動屍體，就係鬼怪小說故事最鍾意用嚟取材嘅「殭屍」同埋「吸血殭屍」。
睇埋
編輯 |