日本盃（日文：ジャパンカップ），係日本賽馬入面最高榮譽嘅賽事（亦係日本秋季國際賽事其中之一），屬國際一級賽，1981年首辦，由日本中央競馬會搞，浪琴表贊助（由2014年開始）。
日本盃路程2,400米，每年11月最後一個星期日喺東京競馬場草地跑道跑，2024年頭馬獎金有成5億日圓，同有馬紀念賽一樣係全日本獎金最豐厚嘅賽事。
日本盃主辦原意係希望提升日本賽馬質素同國際地位，响1999年至2005年亦係世界錦標巡迴賽嘅其中一站賽事。
喺日本盃贏過嘅國家代表包括日本、美國、英國、澳洲、紐西蘭、愛爾蘭、法國、德國同意大利，而香港前馬王原居民就曾經喺1999年嘅日本盃贏過亞軍。
日本盃紀錄保持者係2018年嘅日本三冠馬后杏目（之後喺2020年再度贏出）跑出，時間係兩分二十秒六。
