日本聖誕文化

日本人過聖誕節，可以追溯到16世紀基督教漂洋過海傳到咗日本，之後慢慢形成非常獨特嘅日式聖誕文化，例如係食肯德基。

日本嘅聖誕樹

起源

雖然當時政府唔容許人信奉基督教，但係有啲知識分子們，會私下聚集慶祝聖誕節。到咗明治時代後半，慶祝聖誕節嘅習俗就開始蔓延起來。去到日俄戰爭（1904-1905）嘅勝利戰勝，日本社會風氣一變，唔係基督徒的日本普通民眾，亦開始慶祝聖誕節。

食肯德基嘅文化

喺基督教國家，聖誕節係食火雞，但來到日本就變咗食炸雞。喺日文入面「聖誕節」（クリスマス）同「炸雞」（フライドチキン），好容易令人聯想到日文嘅KFC（ケンタッキー）。另外，一啲喺日本嘅美國人，聖誕節搵唔到火雞，就會用肯德基嘅炸雞做替代品，呢種風氣越來越濃，肯德基喺日本就成為聖誕嘅主角。每年聖誕節前，唔單止要提前預約炸雞桶，平安夜仲要去排隊先買得到。而呢種文化，亦同時帶旺咗好多其他喺日本嘅炸雞店。