日比谷Yahtbéigūk（日文：日比谷／ひびや Hibiya）係日本東京都千代田區嘅一個地方。「日比谷」呢一詞係一個俗稱，喺行政上面並冇任何官方嘅定義。沿住日比谷街（日本國道1號）嘅有樂町同內幸町地方通常就會畀人定義為日比谷。雖然係噉，但係日比谷週邊都有好多地方以日比谷命名，例如日比谷公園同東京地下鐵嘅日比谷站。
「日比谷」嘅日文讀ひびや（Hibiya），其中ひび（hibi）源自於一種種海苔嘅竹製設施。因此，「日比谷」可以被視為一種當字，即係無視原本字意，喺音譯上代表日文本土詞語嘅漢字。
