日食

  「日全蝕」跳轉到呢度。想搵臺灣女歌手徐佳瑩嘅專輯，請睇「日全蝕 (專輯)」。

日食又寫做日蝕，係一種天文現象。當月球響正太陽同地球之間嘅直綫上，響地球上面睇，月球就會局部或全部遮住個太陽。響太空睇，佢個影就落咗響地球上面。

日全食（1999年喺法國影）

日食可以跟佢食嘅形去分類。日全食就係成個太陽俾月球遮住，完全黑晒。日偏食就係只係遮咗一邊。日環食其實同日全食類似，只不過係月球只能夠遮住太陽中間，留返一個圈響外面。

古時嘅人，見到平時見開嘅太陽突然間唔見咗，就會引起恐慌。響中國，就會話太陽俾天狗食咗。