昂船洲大橋（Stonecutters Bridge）係香港一條跨海大橋，過藍巴勒海峽，連埋昂船洲同青衣島，係八號幹線一部份，2004年4月27號開始起，2009年4月7號合龍，12月20號通車。青衣島落點就響九號貨櫃碼頭，近南灣角。而昂船洲落點就響八號貨櫃碼頭。
昂船洲大橋係條斜拉橋，跨度1.6千米，三線雙程行車。橋塔有兩座，一座響青衣島，另一座響昂船洲，借鋼纜拉起成條橋。
