明年今日
《明年今日》係香港歌手陳奕迅喺2002年推出嘅一首大熱歌曲，由陳小霞作曲、林夕填詞、陳輝陽編曲，收錄喺陳奕迅嘅專輯《The Line-Up》，另有國語版《十年》。歌曲一推出就成為華語樂壇街之巷聞嘅歌，並橫掃樂壇頒獎禮，包括TVB勁歌金曲嘅「金曲金獎」、港台嘅「至尊金曲獎」同新城嘅「年度歌曲大獎」，合共三台嘅最高榮譽歌曲獎。《明年今日》連同《十年》成為陳奕迅嘅經典作品。
| 明年今日 | ||
|---|---|---|
| 陳奕迅嘅歌 | ||
| 發行日期 | 2002年 | |
| 時長 | 3:26 | |
| 唱片公司 | 英皇娛樂 | |
| 填詞 | 林夕 | |
| 作曲 | 陳小霞 | |
| 編曲 | 陳輝陽@好好笑 | |
| 監製 | 陳輝陽@好好笑 | |
| 音樂影片 | ||
 YouTube上面嘅音樂錄影帶（高輝導演） |
||
另外，《明年今日》都係2002年電影《賤精先生》嘅插曲，該電影都係由陳奕迅做男主角。
簡介
編輯歌曲以降A大調寫成，無轉調，曲式結構為AAB，音域跨9度，4/4節拍[1] [2]。
台灣創作人陳小霞寫好旋律後，唔覺得出彩，但被《The Line-Up》嘅製作人陳輝陽睇中[3]。歌詞屬於林夕身患焦慮症時「消極陰暗」嘅作品[4]，描寫主角同對方分手後，無奈地回憶去同前度嘅往事，並仲好掛住對方。經典歌詞包括「人總需要勇敢生存，我還是重新許願」、「如果有日會面，或在同伴新婚的盛宴，徨惑地等待你出現」、「未見你一年，誰捨得改變，離開你六十年」同「但願能認得出你的子女，臨別亦聽到你講，再見」等[5]。
後來陳小霞同唱片公司想整國語版，陳奕迅初頭好抗拒，覺得唔應該故意推出打市場、迎合觀眾嘅版本，但因為尊重陳小霞嘅製作人身份都接受咗[3]。有樂評人認為新詞比較簡單直白，所以更受歡迎[6]。
獎
編輯- 香港：2002年度勁歌金曲季選－第三季金曲
- 香港：2002 年度新城勁爆頒獎禮－新城勁爆歌曲
- 香港：2002 年度新城勁爆頒獎禮－新城勁爆年度歌曲大獎
- 香港：2002年度十大勁歌金曲頒獎典禮－十大勁歌金曲
- 香港：2002年度十大勁歌金曲頒獎典禮－金曲金獎
- 香港：第二十五屆十大中文金曲頒獎禮－十大中文金曲
- 香港：第二十五屆十大中文金曲頒獎禮－全球華人至尊金曲獎
- 香港：2002年度TVB8金曲頒獎典禮－全球華語觀眾最愛粵語歌曲
- 香港：2003年香港電影金像獎－最佳原創電影歌曲（提名）
- 香港：2010年度CASH金帆音樂獎－十週年樂迷至愛大獎－CASH最佳歌曲大獎
- 中國：第三屆華語音樂傳媒大獎－十大華語歌曲
- 中國：華語金曲獎30年經典評選 - 30年30歌《明年今日（十年）》
- 馬來西亞：第二屆金曲紅人頒獎禮－年度最佳紅人金曲獎
- 馬來西亞：第二屆金曲紅人頒獎禮－年度十大紅人金曲獎
- 亞洲：第三屆全球華語歌曲排行榜－年度二十大金曲
- 亞洲：第三屆全球華語歌曲排行榜－最佳作詞（林夕）
其他版本
編輯- 《十年》 - 《明年今日》嘅國語版，喺2003年推出，收錄喺國語專輯《黑·白·灰》，編曲人一樣。
翻唱作品
編輯呢首歌有幾個翻唱版本，以下係比較出名嘅版本：
參考
編輯- ↑ 劉靖之 (2014年)。《香港音樂史論－粵語流行曲．嚴肅音樂．粵劇》。商務(香港)印書館。頁 83。ISBN 9789620728617。
- ↑ 魏漢輝。《流行鋼琴金曲集. 第15集 [樂譜]》。HK：星韻音樂。頁 2。ISBN 9628438328。
- ↑ 3.0 3.1 馬岳琳 (2017-12-18)。〈陳奕迅專訪：我不想叫陳奕迅〉。《天下雜誌》。
- ↑ He, Yan,; 何言,. "Ye hua Gang yue 2 : you Yue yu ge, ta men jiu hui he wo men tong zai : tian ci ren x tian wang ju xing x jin ge jin qu = The taste of Hong Kong pop music 2". Xianggang di yi ban. Xianggang. ISBN 9789888284979. OCLC 923172736.
{{cite book}}: CS1 maint: extra punctuation (link) CS1 maint: multiple names: 作者名單 (link) - ↑ 〈《明年今日》：到這日才發現曾呼吸過空氣 - 輔仁文誌〉。www.vjmedia.com.hk。原著喺2019年5月31號歸檔。喺31 May 2019搵到。
- ↑ 大地 (2007-05-09)。〈陳奕迅《認了吧》靠不住的歌神！〉。搜狐。
- ↑ 〈【歌手】總決賽最期待幫幫唱 韓紅陳奕迅唱《十年》最經典〉。《香港01》。10 April 2017。喺31 May 2019搵到。
- ↑ 〈【允兒香港見面會】提少女時代11周年 苦練陳奕迅《明年今日》〉。《香港01》。5 August 2018。喺31 May 2019搵到。