明紹武君臣冢（粵拼：ming4 siu6 mou5 gwan1 san4 zung2） ，喺廣州市越秀區解放北路越秀公園入邊，南秀湖東北角，係南明紹武帝朱聿𨮁同大臣蘇觀生等十五人嘅合葬墓。1881年到民國年間一直有重修。1963年3月1號，被定為市級文物保護單位。
紹武君臣冢原先喺廣州城北邊嘅象崗山北麓，1954年搬去越秀山木殼崗，1981年再搬到南秀湖側邊。墓坐東向西，封土成覆竹形，正面豎墓碑，中間六隻紅色大字「明紹武君臣冢」，上款係「光緒癸未孟冬吉旦」，下款係「粵東紳士重修」[1]。
