星加坡王國

星加坡王國（馬來話：Kerajaan Singapura）係一個馬來小國，領土喺今日的島國星加坡共和國以及周邊地區。傳統歷史觀顯示，逃亡嘅三佛齊巨港王子桑·尼拉·烏他瑪（Sang Nila Utama）喺約公元1299年建立新加坡王國。14世紀，新加坡經濟喺蒙古和平時期（Pax Mongolica）蓬勃發展，由一個小商埠邊成同元帝國有密切關係嘅國際貿易中心。然而，新加坡嘅繁榮同埋功績驚動咗鄰近嘅兩大勢力——北方嘅大城王國同埋南方嘅滿者伯夷王國。壁壘森嚴嘅新加坡因此而歷經至少兩大外敵侵襲，最後終於喺1398年被滿者伯夷王國消滅（亦有文獻話係大城王國）。新加坡王國嘅最後一位拉惹（國王）伊士干達沙走佬到馬來半島嘅西海岸，喺1400年建立滿剌加。