星月樓群組

  提示：呢篇文講嘅唔係望月樓群組。

星月樓群組係指喺新冠肺炎香港疫情入面，喺2022年5月中旬喺上環一間叫「星月樓」嘅酒樓入面爆發嘅一個新冠肺炎Omicron變種病毒感染群組。呢個群組係香港第五波疫情尾聲衞生署衞生防護中心重新追蹤群組個案之後，最大型嘅感染群組，截至5月18號有70人確診。個案源頭被懷疑係嚟自一位住喺西環邨西苑臺嘅員工做咗超級傳播者。