除非特別寫明，否則本文所有時間都係以UTC+8時間為準。
望月樓群組係指喺武漢肺炎香港疫情入面，因為喺2021年12月27號一位獲豁免檢疫嘅國泰航空機組人員違規出咗去九龍塘又一城一間叫「望月樓」嘅中菜館食晏晝飯而傳播武漢肺炎Omicron變種病毒嘅一個感染群組[1]。呢個群組係香港頭一個同Omicron變種病毒相關嘅感染群組，為香港第五波疫情揭起序幕。呢個群組入面共有15人確診。
