星際城市（英文：Sim City），香港商場之一，喺旺角山東街或西洋菜南街，賣電腦嘢為主。唔算旺，比唔上深水埗高登商場同黃金商場，以及旺角電腦中心。除咗賣電腦嘢，亦賣視聽器材，攝影器材等。
地方為中僑國貨舊址，一九九六年執笠唔做，轉為商場。商場曾經興賣翻版碟同鹹碟。睇碟畀網絡取代，兼且香港警察打擊，如今已經無晒。
