映襯,又叫做襯托,係中文一種修辭手法,主要係用兩件或以上嘅野嚟互相比較,對比兩樣野有咩嘢唔同。映襯有正襯、反襯之分,有時仲會有旁襯。

用法

正襯

正襯,係指用兩樣野整齊咁比較,好處係可以令人有一種有勁嘅整齊感覺。

例子

  • 朱門酒肉臭,路有凍死骨(杜甫·自京赴奉先縣詠懷)

反襯

反襯,係將同A相反嘅B用埋一齊,好處有可以畀人有一種強烈嘅對比感覺。

例子

  • 敗草裏的鮮花(徐志摩《我所知道的康橋》)
    • 用「敗草」嚟襯托「鮮花」,令人可以諗到響一大堆敗草入面,有住一個鮮花,形成強烈對比。

旁襯

旁襯,係指將主體A刪走,用有關聯嘅B嚟從側面烘托A。旁襯因為比較難寫,又好易同反襯撈亂,所以比較少人用。

例子

  • 縣中學生一群一伙,三三兩兩,邊走邊唱著,談著。笑著,走到與改霞相遇時,一下子靜下來,對她行「注目禮」。有些走了以後,還要回頭看一看[1]
    • 響呢句入面,作者刪走咗主體A「改霞嘅美貌」,用旁體B「縣中學生見到改霞個陣嘅反應」,由側面烘托住改霞嘅美貌。

  1. "修辞学讲义打印201003 - 百度文库". wenku.baidu.com. 喺2020-11-15搵到.