春秋五霸

春秋五霸，係東周春秋時期五位最把炮嘅諸侯，呢個叫法第一次出現喺《左傳》，係講緊春秋時代五位相繼稱霸嘅霸主，不過究竟係指邊五位，並無統一嘅講法。

而家主流有兩個版本，分別出自《史記》同《荀子》：

• 司馬貞《史記索隱》：齊桓公、晉文公、秦穆公、楚莊王、宋襄公
• 《荀子》：齊桓公、晉文公、楚莊王、吳王闔閭或吳王夫差、越王勾踐

當中齊桓公、晉文公同楚莊王都無乜爭議，而齊桓公更畀人叫做「春秋五霸之首」。

霸嘅意思當時係同稱呼長者嘅「伯」一樣，同時亦係解做諸侯嘅領袖，並唔係而家橫蠻無理嘅「霸」。