景泰寺遺址
景泰寺遺址（粵拼：ging2 taai3 zi6/2 wai4 zi2）喺中國廣東省廣州市白雲區嘅白雲山西邊嘅景泰坑景區附近。呢個地方喺羊城八景入面，有「景泰僧歸」嘅名。而呢個寺喺宋、元、明呢三個朝代入面，都係喺白雲山入面，係好出名嘅寺廟嚟嘅[1]。
「景泰寺」呢個名嘅嚟法 編輯
其實「景泰寺」呢個名出自一個叫「景泰禪師」嘅人，佢原先喺惠州博羅羅浮山度，就係佢搞出呢筍嘢[1]。相傳呢個地方以前係一個好普通山窿嚟嘅，而呢個山窿以前係嗌「暴泰坑」呢個名[2]。因為嗰陣時，景泰坑係冇水嘅[1]。喺南朝嘅梁武帝大同（公元535——546年）年間，景泰禪師因為受到廣州剌史嘅邀請先至嚟到白雲山呢個地方起咗間寺嚟宣揚佛法，但嗰陣時山上缺水，而景泰禪師行混成個白雲山，響白雲山西南邊嘅聚仙峰泰霞洞附近（呢個地方重可以嗌棲霞山，後嚟先至改咗叫景泰雲峰）搵到笪地重睇啱咗添，用佢支禪杖就搞咗啲泉水出嚟喇[1]。而因為呢位禪師搞咗個泉，就起名叫「景泰泉」。而就喺個景泰泉附近起埋間廟，就叫「景泰寺」。而景泰泉嘅水流成咗個坑，就改咗名叫「景泰坑」。「景泰寺」個名就噉嚟[1]。
列入羊城八景 編輯
據《康熙廣州府志》卷十七：「喺宋朝嗰陣時，呢個寺重嗌過『龍果寺』呢個名，不過佢重未開發，所以冇列入到羊城八景入面。」不過到咗元朝，呢度就因為山林好靚而出曬名，有好多遊客成日嚟呢度玩嘅[2]。因為呢帶成日都有好多流水，加上樹木又多。一到咗黃昏時分，係出面成日拍拖嘅僧人都三三兩兩返嚟呢個地方，由於呢度嘅景色好靚嘅關係，所以就選入咗「羊城八景」喇[1]。
清朝嘅破壞 編輯
不過到咗清朝啱啱開始冇耐，由於清朝領將尚可喜喺白雲山呢帶搞咗間兵工廠，見到景泰坑呢帶泉流豐沛，加上樹木比較濃密，兼地形比較隱蔽，所以就揀咗呢個地方起廠嚟整大炮。結果搞到呢個地方烏煙瘴氣（因為樹木畀人斬嗮，加上啲水都冇嗮）[1][2]。不過呢間寺到依家都重喺度，而附近啲山林同埋泉水都已經變嗮居民區喇。