白雲山 (廣州)
白雲山（粵拼：baak6 wan4 saan1）係中國廣東廣州白雲區一個山脈，位於廣州市區北部，號稱「羊城第一秀」，因為主峰摩星嶺成日俾白雲掩蓋，所以得名。
佢由卅幾座山組成，呈長方形，南北長9.7公里，東西闊4.5公里，總面積約28平方公里，係東北—西南走向。主峰摩星嶺位於中部，海拔382米。
喺1963年、1986年、2002年同2011年嘅羊城八景入面分別攞咗「白雲松濤」、「雲山錦繡」同「雲山疊翠」嘅名，其中「雲山疊翠」係攞過2次（分別喺2002年同2011年）。呢間公園嘅正門喺廣園中路同廣園東路嘅交界，附近冇幾遠就係麓湖公園同雲臺花園。
景區
編輯
而家嘅白雲山有8個景區，分別係明珠樓、摩星嶺、三臺嶺、鳴春谷、飛鵝嶺、雲臺花園、麓湖公園、天南第一峰、能仁寺、碑林、九龍泉、蒲谷、柯子嶺、濂泉。喺正門附近重有白雲索道嘅纜車站喺度，遊客可以坐纜車去到山頂。
雲臺花園
編輯雲臺花園係白雲山正門出面嘅一間公園，佢係目前中國最大嘅園林式花園。呢間公園喺1995年9月28號開業。
鳴春谷
編輯鳴春谷係山頂公園嘅一個景區，喺1989年9月開業，佢係中國內地最大嘅天然式雀籠景區。入面養咗5000幾隻150幾個唔同品種嘅雀仔。
雙溪旅舍
編輯雙溪旅舍係白雲山頂嘅摩星嶺下邊，喺1964年起好。而牌上面嘅「雙溪」兩個字係由朱德寫嘅。以前周恩來同陳毅總理喺1965年5月28號住過呢度。
松風軒
編輯松風軒係白雲山嘅杜鵑山嗰度，上面有一嚿大石寫住「松風」兩個字。而呢兩個字係偉大無產階級革命家——陶鑄同志喺在世嗰時讚嘅「松樹style」噉解。由於陶鑄同曾志（陶鑄嘅夫人）都好關注嗰時白雲山係點起嘅，重寫咗快啲搞好座白雲山嘅遺言出嚟。喺陶鑄死咗之後，骨灰就埋咗喺白雲山。而劃喺岩石上邊嘅「松風」呢兩個字係吳作人呢位書法家寫出嚟嘅。
蒲谷
編輯蒲谷係白雲山南門附近冇幾遠嘅一個景區，宋元清時期嘅羊城八景講嘅「蒲澗濂泉」就係喺呢度。
景泰寺
編輯景泰寺係白雲山嘅景泰坑景區入面嘅一間已經冧咗嘅寺院，而家就得返個遺址響度。呢個寺喺宋、元、明呢三個朝代喺白雲山嘅一間好出名嘅寺，喺羊城八景入面，有「景泰僧歸」嘅名。
摩星嶺
編輯摩星嶺係白雲山嘅卅幾座山入面，最高嘅一座。呢座山嘅山頂重有座指去北京嘅標記同一座發射塔響度。
桃花澗
編輯桃花澗係白雲山北邊，梅花園門崗附近嘅一個景區。喺1960年起好，佢按咗東晉時期，陶淵明嘅《桃花源記》嘅諗法而搞出嚟。呢個園區重係雲山八景入面，有「桃園報春」嘅名。其中，明珠樓就喺呢嗰景區入面。附近重有條路可以去到孖髻嶺同元下田、握山村同永泰嗰邊。
天南第一峰
編輯天南第一峰係山頂公園嘅其中一個景區，嗰度嘅原名係「鄭先岩」。相傳喺秦朝尾，鄭安期方士喺呢度住咗之後。有一次上山搵菖蒲結果唔小心跣咗落山，咁啱山崖邊有堆白鶴即刻救咗佢，兜均成個白雲山之後就向東飛走咗。後嚟啲人為咗記得佢，先至喺而家嘅雲岩嗰度整咗間「鄭先祠」，重將每年七月廿四定咗係「鄭先誕」。跟住呢度就俾啲後人話咗係「鄭先岩」喇。呢度每日嚟講都幾多人嚟玩，尤其喺節假日或農曆每年七月廿四號，景區啲遊客多到爆棚咁滯。
摩雲上山路仔
編輯摩雲上山路仔係白雲山西邊嘅一條風景路，從鳴泉居度假村同雲溪生態公園之間嘅路開始，一直去到山頂嘅摩星嶺嗰度。全長2889m，條路超多彎兼多梯級。半佬可以見到好多樹同野花、雀仔叫同溪流啲水聲響度。據估計，嗰度有6500負離子/m³嘅空氣響度，真正係「山幽水靚，林綠氣清」嘅感覺。
門口
編輯而家嘅白雲山一共有16個門口，分別係：
| 門口 | 詳細位置 | 相 | 開放時間 （UTC+8） |
註 | 可唔可以畀機動車入 | 門類 |
|---|---|---|---|---|---|---|
| 柯子嶺門 | 大金鐘路嘅富悅街口斜對面，柯子嶺牌坊巴士站隔籬。 | .jpg) |
06:00——18:00 | 正西南門 | 唔畀 | 正規門 |
| 雲溪生態公園門 | 廣州白雲國際會議中心正對面，鳴泉居度假村嘅南邊同雲溪生態公園北門嘅隔籬。 |  |
06:00——22:30 | 唔畀 | 半正規細門 | |
| 西大門 | 廣州亞加達外國語學校南邊隔籬 | .jpg) |
24個鐘開放 | 正西門 | 可以 21:00——06:00 |
正規門 |
| 荷樹林門 | 雲溪生態公園南門正對住嘅路口入去2km路程（下坑水庫隔籬） |  |
06:00——17:00 | 大門： 可以 上山： 唔畀 |
正規門 | |
| 廣州外語學院校內門 | 外語學院東門入去1km嘅路程 | 06:00——18:00 | 唔畀 | 半正規細門 | ||
| 冷凍廠門 | 廣州白雲冷凍廠入面 | 08:00——23:00 | 唔畀 | 野門 | ||
| 元下田門 | 元下田村嘅福泰東路，怡園小區附近。 | .jpg) |
06:00——18:00 | 正西北門 | 唔畀 | 石級門 |
| 永泰乒乓體育公園門 | 元下田村嘅白雲永泰乒乓體育公園入面嘅最東邊 | .jpg) |
24個鐘開放 | 正北門 | 唔畀 | 山門 |
| 握山村門 |  |
06:00——18:00 | 正東北門 | 唔畀 | 半正規細門 | |
| 蟹山門 | 06:00——18:00 | 唔畀 | 石級門 | |||
| 荷樹林門 | 06:00——18:00 | 唔畀 | 石級門 | |||
| 梅花園大門 | 06:00——18:00 | 正東門 | 唔畀 | 石級門 | ||
| 梅花園細門 | 24個鐘開放 | 唔畀 | 山門 | |||
| 伍仙橋門 | 伍仙橋甘園路最西邊嘅Y字路口右手邊條路入去行到㞘 | .jpg) |
06:00——18:00 | 唔畀 | 石級門 | |
| 濂泉門 | 濂泉路最北邊，北環高速公路經過呢度。 |  |
06:00——18:00 | 正東南門 | 唔畀 | 石級門 |
| 白雲索道門 | 廣園中路同廣園東路交界嘅麓湖路口北邊 |  |
24個鐘開放 | 正門 南門 |
可以 21:00——06:00 |
正規門 |
