暗喻

暗喻係種修辭手法，即係指話兩樣嘢一樣，暗啞底、隱晦噉指出兩樣嘢相似嘅比喻。暗喻會用到具等如之意嘅喻詞，將比喻對象（本體），同用嚟比喻嘅嘢（喻體）連接住。喺粵語入面，暗喻喻詞通常會用「係」。有時，尤其係喺文言文，暗喻嘅喻詞會省略唔明講，但係意思仍然隱含喻詞，呢種用法有時會叫做略喻，不過好少會噉講。

暗喻同埋借喻嘅統稱為隱喻。

例子

• 「我是天空裏的一片雲，偶爾投影在你的波心。」徐志摩《偶然》

  → 粵化：「我係天上邊一片雲，偶爾投影喺你嘅波心。」

• 「村舍與樹林是這地盤上的棋子。」徐志摩《我所知道的康橋》
• 「路是一把瘦瘦的牧笛。」余光中《車過枋寮》
• 「月亮是別在鄉村的一枚徽章。」韓少功《月夜》
• 燈塔係海中嘅太陽。

睇埋

• 明喻
• 借喻
• 隱喻