暗戀

暗戀係一種戀愛嘅形式，指一個人暗自對另一個人，而且對方唔知嘅愛戀。暗戀絕大部分係未開口向對方表白，所以對方先唔知情。暗戀唔係壞事，係戀愛好健全、好正常、甚至必經嘅階段，成功嘅戀愛一般雙方都有暗戀對方，報答式喜愛（英文：Reciprocal liking）除外。

唔表白嘅原因有好多，不過通常係因為驚對方唔鍾意自己，而表白後會破壞原本嘅關係。喺表白之前，暗戀者通常會一直付出，以求對方鍾意自己。

暗戀嘅現象唔分年齡層，不過青少年暗戀嘅情況較多；暗戀嘅現象亦唔分性別，男性、女性出現暗戀嘅概率差唔多。^{[未記出處或冇根據]}

喺流行文化，有唔少以暗戀為題材嘅愛情故仔。

同單戀嘅分別

暗戀同單戀都係戀愛嘅形式，有時會混為一談，不過兩者冇直接關係，而且有好明確嘅分別。暗戀係暗自嘅愛戀，而單戀係單方向嘅愛戀；暗戀可以同時係單戀，亦可以唔係單戀，同樣單戀可以同時係暗戀，亦可以唔係暗戀。暗戀冇悲劇色彩而單戀有。


	單戀	相思
暗戀	單向暗戀	雙向暗戀
明戀	被拒絕嘅戀愛	相戀

暗戀可以係兩方都有嘅，嗰種情形就係雙向暗戀。雙向暗戀係兩邊都鍾意對方，但係都冇向對方表白，又唔知對方點諗自己。喺唔知對方心意嘅情況下，又想拉近距離或者試探對方，就會造成曖昧嘅氛圍。

呢篇暗戀係仲未搞掂嘅楔位文。歡迎幫維基百科擴寫佢。