暴力上槓

暴力上槓（粵拼：bou6 lik6 soeng6 gong3；英文：Muscle-up）係力量訓練嘅進階練習，亦都係混合健身入面嘅一個分項。呢個練習係引體上升嘅結合版，不過呢個練習喺上槓後要維持住幾秒再落返嚟。

圖片關於暴力上槓嘅步驟

個男人示範緊暴力上槓

針對肌肉

暴力上槓係針對背部、膊頭、手肘同核心嗰到嘅一大組肌肉。做暴力上槓主要嘅力量係嚟自背部嘅背闊肌同二頭肌。做呢個動作嗰陣，核心喺成個過程參與到。當拉高過個槓嗰陣，三頭肌就會出盡最大嘅力去做最尾嗰下嘅維持動作。上胸同下胸都會涉及到呢項嘅訓練，當上槓上到最高嗰陣，就會對呢兩個位去施加大量嘅壓力。

上槓次數世界紀錄

• 連續最多單槓暴力上槓次數：2018年Maksim Trukhonovets（白俄羅斯）做咗26下。

• 連續最多吊環雙力臂上槓次數：2020年Maksim Trukhonovets（白俄羅斯）做咗18下。