暴力特區》(法文Banlieue 13)係一部法國動作片,喺2004年11月10號喺法國首映。

劇情 編輯

2010年巴黎其中一個貧民區畀人叫做「第十三區」,嗰區畀黑幫毒販等霸住,毒品槍械泛濫,政府方面放棄咗對嗰區嘅管治,重用圍牆隔開嗰區,任得嗰區嘅人民自生自滅。

一個叫做Leïto嘅居民,為咗保障佢住緊間屋個屋主嘅安全,一個人向Taha嘅黑幫發動襲擊,嗰陣時搵到好多可卡因重銷毀咗,Taha班埋大批手下追殺Leïto,Leïto用超乎常人嘅體能避開追捕,但係Taha脅持咗Leïto個妹Lola做人質。Leïto就向Taha嘅基地進攻,救返Lola,重反而脅持咗Taha。Taha畀Leïto帶咗去喺嗰區邊界嘅差館,但係警察唔單止唔受理,重拉咗Leïto,又放咗Taha,任得佢擄走Lola。

六個月之後,一個叫做Damien嘅臥底警員,喺十三區外便冚咗一個地下賭場,拉咗個阿頭。無耐收到Taha偷走核武器嘅消息,嗰件武器會喺24個鐘裏便自動爆炸。為咗阻止核武襲擊,Damien唯有同畀人收咗監嘅Leïto攜手合作,化解危機。

睇埋 編輯

編輯