曾子晴
曾子晴（Vivian Tsang Tsz Ching，1982年5月22號—）係香港網絡名人、節目主持人，亞洲電視前財經主播[1][2]。
| 曾子晴 | |
|---|---|
| 新聞主播 | |
| 羅馬拼音 | Tsang Tsz Ching |
| 英文名 | Vivian Tsang |
| 花名 | 晴姐姐 |
| 國籍 |  中國（香港） |
| 出世 | 1982年5月22號.svg){kind=small} 英屬香港 |
| 職業 | 節目主持人 |
| 教育程度 | 香港樹仁大學新聞與傳播學系 |
| 出道日期 | 2015年 |
| 活躍年代 | 2015年至今 |
| 經紀公司 | 亞視新聞（2015年至2016年） |
經歷
編輯2015年5月，曾子晴喺樹仁大學新聞與傳播學系畢業後，就投身亞視新聞及公共事務部，並曾經主持新聞節目《理財博客》[3]，喺亞視結束免費電視廣播後加入咗財經雜誌《炒股幫》[4]，又曾經參與ViuTV節目《No Money No Talk》[5]。
個人興趣
編輯佢曾經喺接受訪問嘅時候透露，自己喜愛飼養爬蟲類動物，細細個已經養蜘蛛，又刻意執曱甴卵觀察孵化過程，近年就轉養盾臂龜同肥尾守宮[5]。
爭議
編輯自稱經濟日報理財版記者於新春活動逗利是
編輯2024年新春，曾子晴被爆出自稱經濟日報理財版記者，喺未有受邀嘅情況下，試圖亂入地產團拜活動逗利是，不過被拒入場。及後多名財經記者爆料，曾子晴已經多次自稱記者「白撞」各大新春活動逗利是，一被公關質疑身份果陣，就改稱自己係「專欄作家」。後來喺2024年5月18日，有疑似係曾子晴真身的帳號「Chingbee0808 」嘗試喺維基百科刪除相關資訊，但俾眼利網民發現，並將將刪除內容重新喺維基百科內曝光。[6]
對貓餵食有毒朱古力同雪糕被批評
編輯2022年，曾子晴受南韓品牌賓格瑞邀請，宣傳朱古力甜筒，佢將5秒嘅影片到社交網站Instagram，但影片入面，就俾貓隻進食對貓可致命嘅朱古力，佢仲寫上 「朱古力同雪糕，對貓也是毒藥，但我的貓真的非常喜歡吃。」 ，惹來愛護動物組織同網民嘅批評。品牌之後表示唔知情，宣佈停止合作，又話唔容許有無辜小動物受到傷害[7][8]。之後有媒體翻查佢嘅Facebook，話佢已經唔係第一次，喺2021年7月尾嗰陣，佢亦曾經上載一張餵貓吃「鐵觀音奶蓋珍珠雪條」嘅相片[9]。
反送中運動期間涉嫌炒賣「我係香港人」字眼T恤
編輯喺香港反送中運動期間，有香港設計師設計咗一款印有「我係香港人」字眼嘅T恤，以成本價50元供同路人訂購，但曾子晴其後被發現，抬高價格以100元轉手出售。曾更被踢爆本身立場親建制，但就扮本土派賣T恤，食兩家茶禮，俾網民批評「吃人血饅頭」。設計師表示佢「亳不知情」，又指曾子晴本身以50元成本價向她購買Tee恤，怒轟對方牟取私利。[2][10]
加入「香港再出發大聯盟」被質疑政治立場
編輯喺2020年5月，包括前兩名前特首董建華及梁振英在嘅多名重量級親北京派人士牽頭成立「香港再出發大聯盟」，曾子晴亦在其中，佢又喺網上話自己「做正確的事問心無愧」，榮幸同李嘉誠共事，但迅即被網民翻舊帳，指她曾喺反修例示威初期以高價賣「我係香港人」T恤，又曾參加2019年6月16號嘅反修例遊行，有網民質疑曾子晴現時加入建制聯盟是「假黃絲」，想討好兩邊立場嘅人。[1]
代言捲入詐騙風波嘅JPEX加密貨幣交易所
編輯佢曾經為JPEX加密貨幣交易所賣廣告，仲話JPEX「受到市場極大認可」，但JPEX加密貨幣交易所之前被揭發涉及詐騙，香港警察亦採取行動，拘捕林作、陳怡等相關人士[11]。
資料來源
編輯- ↑ 1.0 1.1 陳綽嵐 (2020-05-06)。〈再出發大聯盟｜前主播曾子晴加入 曾上街反修例 被指「假黃絲」〉。香港01。原著喺2022-04-17歸檔。喺2020-05-12搵到。（繁體中文）
- ↑ 2.0 2.1 冼燕珊 (2019-07-05)。〈前亞視主播高價轉售「我係香港人」Tee 遭踢爆疑借社運斂財〉。香港01。喺2020-05-12搵到。粵語：{{{yue}}}
- ↑ 〈【短片】【亞視熄機】見證公司走向終結曾子晴：搵過份工承傳學到嘅嘢〉。喺2020-05-12搵到。
- ↑ 〈炒股幫 第78期〉 (PDF)。
{{cite web}}: CS1 maint: url-status (link) - ↑ 5.0 5.1 〈財經主播的爬蟲類王國 曾子晴 - 娛樂放題 - 精裝娛片〉。《東周網【東周刊官方網站】Eastweek.com.hk》 (臺灣中文)。喺2023-02-07搵到。
- ↑ 金秀玲 (2024-03-12)。〈前ATV主播自稱被TVB偷相 常陷爭議曾被指毒貓疑扮記者白撞𢭃利是〉。《香港01》 (香港中文)。喺2024-10-08搵到。
- ↑ 〈前亞視主播餵貓食朱古力雪糕惹眾怒 廣告商停合作〉。《頭條日報 Headline Daily》 (中文)。2022-04-02。原著喺2022-04-02歸檔。喺2022-04-02搵到。
- ↑ 〈【惹公憤】亞視前主播為賣廣告餵貓食雪糕 品牌即割席終止合作〉。《Now 新聞》 (香港中文)。喺2023-02-07搵到。
- ↑ HK, Channel C. (2022-04-05)。〈前亞視主播曾子晴爭議多 唔係第一次餵貓食雪糕？ | Channel C〉。channelchk.com (繁體中文)。喺2023-02-07搵到。
- ↑ 〈前主播涉借爭議賣衫賺差價捱轟〉。原著喺2019-07-06歸檔。喺2020-05-12搵到。
- ↑ https://www.facebook.com/zau2jam1/posts/pfbid02YVKkDiNzpkrpr6kq7SvgBKNATMgmzThN2gYbZZTM78JK92FprZFshjpAVPrXoWNml